|
|
Abdominoplastika
Abdominoplastika və ya qarın plastikası bədən korreksiyasının bir üsuludur. Hamiləlikdən sonra qarın dərisinin genəlməsi ilə yanaşı çəkinin itirilməsi qarının sallanmasına gətirib çıxarır ki, belə halda bu üsuldan istifadə edilir. Təkcə liposaksiya istənilən nəticəni eldə etmək üçün kifayət etmədikdə belə müalicə üsulundan istifadə edilir. Əməliyyat zamanı artıq dərini götürürlər, əzəlilərin vəziyyətini normalaşdırırlar, piy toxumasını və artıq dəri ilə birlikdə genəlmə zolaqlarını götürürlər Əgər çəki normaldırsa, yastı qarın və nazik bel yaratmaq olur. Bu prosedura yaxşı nəticələrə gətirib çıxarır, lakin yadda saxlamaq lazımdır ki, abdominoplastikadan sonra qarında çapıq qalır ki, onun ölçüsü problemin böyüklüyündən və əməliyyat üsulundan fərqlənə bilər.
Əməliyyatın uğurlu olması üçün aşağıdakılar lazımdır
Əməliyyat aparıldığı zaman kəskin xəstəliklərin (məsələn soyuqdəymə) olmamağı;
əməliyyatdan 10 gün əvvəl daxilində aspirin olan dərmanlardan istifadə etməmək;
əməliyyatdan 10 gün əvvəl və əməliyyatdan 3-4 həftə ərzində siqaret çəkmək qəti surətdə qadağan edilir;
əməliyyatdan 1-2 gün əvvəl (həkimin göstərişləri üzrə) yalnız mayelərin içilməsi məsləhət görülür;
bir gün əvvəl axşam vanna qəbul etmək lazımdır;
əməliyyat acqarına aparılır (dişlərin təmizlənməsi və ağız yaxalamaq üçün 1/2 stəkan su istifadə edilir).
Əməliyyat müddəti
Bir-iki saat.
Ağrısızlaşdırma
Əməliyyat klinikada ümumi ağrısızlaşdırma ilə aparılır və siz əməliyyatın ertəsi günü evə gedə bilərsiniz.
Əməliyyatın necə aparılması
Cərrah iki kəsik edir: birini göbək ətrafında, digərini, yarımdairəvi, qasıq nahiyəsinin yuxarısında və lazım olduqda onu qasıq nahiyəsində qırışlar boyunca davam etdirir. Bundan sonra həkim dərinin o əzələlər və toxumalardan ayırır ki, onlar döş qəfəsinə qədər qarın divarını yaradır. Ön qarın divarının düz əzələlərinin aralanması halında onları orta xətt üzrə tikərək çəkib dartırlar, bundan sonra cərrah artıq dəri və piyi götürür.
|
|